Analiza e De Biazit: Piontek s’e ka luksin për të gabuar te Milani

Ish-trajneri i Shqipërisë, Xhani De Biazi, ka komentuar transferimin e Kristo Piontek te Milani. Nga lartësia e përvojës së tij, 62-vjeçari ka bërë një analizë të shkurtër të blerjes më të re të “Djallit”, duke argumentuar për “Radiomerkato” se:

“Piontek ka shënuar gjithnjë gola, por duhet parë se çfarë do të prodhojë kur të zbresë në ‘San Siro’ me fanellën e Milanit. Gjenova gjithnjë e ka furnizuar Milanon me sulmues cilësorë, teksa polaku nuk më duket nga ata që tremben nga përgjegjësitë.

Problemi është që ai do të ketë pak shanse për të gabuar, ndaj do të jetë interesante të shohim si do ta përballojë aventurën e re.