Anglezët nuk do ta shohin dot rikthimin e Ronaldos në Premier League

Rikthimi i Cristiano Ronaldos në Premier League nuk do të transmetohet në televizion. Arsyeja është një ligj i vitit 1987, që ndalon transmetimin direkt të çdo ndeshjeje nga ora 14:45 deri në 17:15.

Ligji është miratuar në atë kohë për të mbrojtur ligat e ulëta, që në atë orë luajnë ndeshjet e tyre. Në orën 16:00 të ditës së shtunë, në një kohë që gjithë bota do të shikojë ndeshjen e parë të Cristianos me United pas rikthimit të tij te “Djajtë e Kuq”, në Angli këtë gjë mund ta bëjnë vetëm të pranishmit në “Old Trafford”.