Arsenal revolucion në verë, u tregon “derën” dy shqiptarëve

Arsenali pritet që të bëjë një mini-revolucion në fund të këtij sezoni. “Topçinjtë” e Londrës pas zyrtarizimit të largimit të Venger, sipas mediave angleze do të “dëbojnë” edhe disa yje gjatë verës.

Dy nga emrat më të përfolur për t’u larguar janë Granit Xhaka dhe Shkodran Mustafi. Lojtarët firmosën me “Topçinjtë” në vitin 2016, por që të dy nuk ia kanë dalë mbanë të lejnë gjurmët e tyre në “Emirates”, me klubin që tashmë i ka vendosur në listën e largimeve.

Gjithsesi e ardhmja e tyre do të varet shumë edhe nga trajneri i ri që do të emërojë Arsenal, teksa dy kandidatët kryesor për momentin janë Patrik Viera, dhe Tomas Tukel.