Arsenali ndalet ndaj Brentfordit, Leicester mund me poker Tottenhamin (VIDEO)

Arsenali bën një tjetër ndalesë në Premier League. Kryesuesit e këtij sezoni nuk shkuan më shumë se një barazim 1-1 ndaj Brentfordit. Ekipi i Artetës do të vuante jo pak në këtë duel. Në minutën e 66-të, Arsenali do të kalonte në avantazh me Trossard që do të shfrytëzonte një asist nga Saka.

Gjithsesi miqtë nuk u dorëzuan dhe në minutën e 74-t do të gjenin golin e barazimit me Ivan Toney, që do të shënonte pas një rrëmuje në zonë. Arsenali për momentin mbetet në krye me 51 pikë, 6 më shumë se City.

Tottenham pas dy fitoreve radhazi, ka pësuar një disfatë të thellë 4-1 ndaj Leicester në transfertë. Për ekipin e “dhelprave” do të shënonin katër autor të ndryshëm, Mendy, Maddison, Iheanacho dhe Barnes. Golin e nderit për Tottenham e realizoi Bentancur. /R.Lika-Koha Jonë/