Asllani: Të lumtur për kualifikimin, u dhashë një dorë shokëve

Kristjan Asllani u bë protagonist mbrëmjen e djeshme në kualifikimin e Interit pas kohës shtesë ndaj parmës. Mesfushori 20-vjeçar luajti plot 120 minuta në përballjen kundër Parmës, ndërkohë që pas sfidës u shpreh mëse i kënaqur.

“Jemi të lumtur për kualifikimin në fazën tjetër. Jam i kënaqur që u dhashë një dorë shokëve të mi të ekipit. Gjithmonë jam përpjekur të jap më të mirën time për klubin ku luaj.

Ne erdhëm nga një pjesë e parë e nënshtruar, por gjithmonë e zotëruam topin. Parma u mbrojt mirë, fati ynë ishte që gjetëm golin në fund. Pas golit të pësuar ata ulën ritmin dhe gjeta më shumë hapësirë në lojë”, përfundoi Kristjan Asllani.