Bajerni e feston me “turp” titullin e 28-të në Bundesligë (VIDEO)

Bajerni i Mynihut ka festuar në mënyrën më të keqe titullin kampion në Gjermani, teksa sot është mundur 1-4 nga Shtutgardi. Hejnkens kishte futur në fushë thuajse të gjithë titullarët, por mesa duket të pamotivuar ndaj rivalëve që në fakt nuk kishin si ata asnjë objektiv.

Në një ceremoni spektakolare të organizuar në ‘Allianz Arena’, futbollistët bavarezë ngritën lart titullin e 28 në historinë e klubit. Gëzim i dyfishtë ishte edhe për sulmuesin polak të Bayernit, Robert Levandovski, që përveç titullit, mori edhe trofeun e golashënuesit më të mirë të sezonit, me plot 29 realizime, gati dyfishi i ndjekësit më të afërt.