Bajerni merr një tjetër lajm tronditës, Boateng mbyll sezonin dhe rrezikon Botërorin

Bajerni vijon të marrë lajme të keqija nga infermieria në këtë fund sezoni. Dëmtimi i mbrojtësit Zherome Boateng është më i rëndë se sa ishte menduar në fillim. Sipas Sportbild, mbrojtësi e ka mbyllur sezonin, ndërkohë që tashmë rrezikon edhe pjesëmarrjen në Kupën e Botës.

Kur kanë mbetur pak javë nga starti i Botërorit, teknikut të “Pancerave” do t’i duhet të mendojë për një tjetër alternativë në repartin e prapavijës, pasi Boateng pritet të mungojë për një periudhë nga 4 deri në 6 javë, madje afati i riaftësimit ndoshta mund të zgjasë më tepër.

Qendërmbrojtësi i Bajernit është i dëmtuari i radhës që i prish jo pak punë formacionit të Gjermanisë, ndërkohë që edhe Nojer rrezikon që të mos rikuperohet në kohë.