Bajerni prezanton zyrtarisht uniformat për sezonin e ardhshëm

Sezoni aktual i futbollit nuk ka përfunduar ende zyrtarisht në Bundesligë, por kjo nuk e ka frenuar Bajernin që të zyrtarizojë unfirmoat për sezonin e ardhshëm. Kampionët e Gjermanisë për të 6-tin sezon radhazi, do të drejtohen nga Niko Kovaç që nga muaji korrik.

Klubi bavarez ka paraqitur zyrtarisht uniformën e parë, atë të ndeshjeve në shtëpi, për sezonin 2018-2019, në të cilën spikat në dizenjo shkronja “M”, një homazh i qartë i motos së famshme të klubit bavarez “Mia San Mia”.

Nuk ndryshon qartësisht ngjyra mbizotëruese, e cila është e kuqe tradicionale, e shoqëruar me vija të bardha mbi shpatulla, te fanella. Mbrojtësi Humels, sulmuesi Myler dhe holandezi Arjen Robben ishin tre lojtarët e përzgjedhur për t’i prezantuar.