Bakaj shënon sërish për Shakhtarin, kalon në turin tjetër të Europa League (VIDEO)

Bjellorusët e Shakhtar Soligorskut siguruan kualifikimin për në turin tjetër të Europa Leagues, teksa protagonist ka qenë edhe sulmuesi shqiptar Elis Bakaj. Ky i fundit shënoi në të dy takimet ndaj uellsianëve të Connah, edhe në fitoren 1-3 në Uells, edhe në fitoren 2-0 në Bjellorusi.

Në sfidën e sotme Bakaj ekzekutoi saktë një 11-metërsh, ndërsa ky është goli i tretë për sulmuesin shqiptar, që shënon brenda 7 ditësh për Shakhtar Soligorskun. Në turin e ardhshëm, skuadra bjelloruse do të përballet me polakët e Lech Poznanit.