Ballkani humbet minimalisht ndaj Viktoria Plzen (VIDEO)
Sporti E Enjte, 21 Shtator 2023 23:05
Ballkani e nis me humbje aventurën e dytë në Conference League. Skuadra nga Suhareka u mund minimalisht 1-0 në transfertën e Viktoria Plzen, nga një gol aksidental që u realizua nga Kalvach.
Pjesa e parë u mbyll me porta të paprekura me ekipin e trajnerit Ilir Daja që në këtë fraksion tregoi një formë të mirë. Sfida u zhbllokua nga një gol aksidental i Kalvach në minutën e 73’, me këtë të fundit që u dha avantazhin dhe fitoren 1-0 vendasve.
Pas raundit të parë, Ballkani renditet në vend të tretë të Grupit C me zero pikë, pas Dinamo Zagrebit kryesues dhe Viktoria Plzen të vendit të dytë. Ndeshja tjetër e Grupit C në Conference League, mes Dinamo Zagreb dhe Astana u mbyll me rezultatin 5-1.
