Barcelona arrin akordin total me Vidal, zyrtarizimi çështje orësh

Barcelona ka arritur një marrëveshje me mesfushorin kilian Arturo Vidal. Futbollisti do të nënshkruajë për tre sezone dhe do të përfitojë 9 milionë euro në sezon. Tani është e domosdoshme që klubi blaugrana të mbyllë transferimin me Bayern Munich-un për të zyrtar akordin, me gjasë në orët e ardhshme .

Katalanasit kanë nxituar për të arritur akordin me kilianin, pasi nuk gjeti gjuhën e përbashkët me Rabiot-it të PSG-së. Barcelona do të mbyllë marrëveshjen sipas mediave iberike për 20 milionë euro. Vidal ka qenë një kërkesë e Ernesto Valverdes. Trajneri i blaugranës kishte kërkuar një mesfushor me muskuj, përvojë dhe karakter për të zëvendësuar largimin e Paulinhos.

Arturo Vidal do të jetë nënshkrimi i katërt për Barcelonën në sezonin 2018-19 pas Arthur, Lenglet dhe Malcom. Barcelona ka investuar gjithsej 127 milionë euro këtë verë për të forcuar skuadrën, i cili tani është në pritje të largimit të Yerry Mina, Paco Alcácer, Munir, André Gomes, Aleix Vidal dhe Rafinhës./Koha Jonë/