Barcelona dhe Neymar më në fund bëjnë “paqe” mes tyre

Barcelona përmes një deklarate zyrtare ka njoftuar se ka mbyllur me marrëveshje çështjet gjyqësore dhe civile që kishte hapur me lojtarin brazilian Neymar Jr.

Në këtë mënyrë, klubi “blaugrana” dhe futbollisti kanë nënshkruar një marrëveshje për t’u dhënë fund procedurave ligjore që ishin në pritje midis të dy palëve.

Neymar ishte lojtar i Barcelonës nga sezoni 2013-14 në 2016-17. Disa muaj pas rinovimit të kontratës me Barcelonën, ​​sulmuesi brazilian u largua drejt PSG, në një operacion që u kushtoi parizienëve 222 milionë euro, ndërkohë që braziliani u bë blerja më e shtrenjtë në histori.