Barcelona ka frikë se mund të humbasë Mesin, edhe pse ka klauzolë 700 mln euro

Barcelona ka fikë se mund të humbasë Lionel Mesin edhe pse i fundit ka një klauzolë prej 700 milionë euro. Drejtori për financa dhe strategji i Barcelonës, Panço Shroder ka frikë se një nga rivalet mund të paguajë 700 milionë euro për Leo Mesin. Kaq është klauzola e argjentinasit, i cili muaj më parë vazhdoi kontratën deri në vitin 2021.

“Ne i kemi vendosur një klauzolë që mendojmë se është e mjaftueshme që Mesi të mbyllë karrierën në Barcelonë. Por, kështu menduam edhe një vit më parë për klauzolën e Nejmar, që ishte e mjaftueshme për ta mbajtur lojtarin. Na u dëshmua verën e kaluar se kjo nuk është e garantuar”, tha Shroder për “Sky Sports”.

Për Mesin interesohen skuadra nga Kina dhe Mançester Siti, të cilat edhe mund ta paguajnë klauzolën marramendëse të argjentinasit. /Koha Jonë/