Barcelona shkatërron Vijarealin, Mesi pranë “Këpucës së Artë” (VIDEO)

Pas fitimit të titullit,Barcelona vijon të mos ndalet. Skuadra e Valverdes luajti sot ndaj Vijarealit, në një ndeshje që nuk kishte shumë histori dhe që u fitua në shifrat 5-1.

Filipe Kutinjo hapi serinë e golave në minutën e 11-të, ndërsa Paulinjo në të 16-ën dhe Mesi në të 45-ën, vulosën rezultatin 3-0 në pjesën e parë. “Pleshti” tashmë ka arritur në kuotën e 34 golave, 3 më shumë se Salah.

Në 45-minutëshin e dytë Vijareali shënoi golin e vetëm me anë të Sansones, ndërsa në minutat e fundit të takimit ishte Ousmane Dembele ai që shënoi një dopietë për Barcelonën dhe fiksoi rezultatin 5-1, me Barcelonën që tashmë shkoi në kuotën e 90 pikëve, kur kanë mbetur edhe dy javë për t’u luajtur.