Barcelona “vjedh” sërish në merkato, mund ta pësojë edhe Interi

Barcelona ka hyrë në garë për të marrë mesfushorin e Bayern Munich, Arturo Vidal. Kiliani është shumë pranë kalimit te Inter dhe vendosi të rikthehet në Serie A, ku deri në vitin 2015 ishte lojtar i Juventus, por e ardhmja e tij mund të ndryshojë pas futjes në garë të blaugranëve.

31-vjeçari ka edhe dy vite kontratë me Bayern, por klubi ka vendosur t’i plotësojë dëshirën për t’u larguar nga Bavaria.  “El Mundo Deportivo” shkruan se pasi “vodhi” Malcom nga duart e Roma, në momentin e fundit të transferimit të brazilianit, drejtuesit e Barcelona po mendojnë një lëvizje të ngjashme edhe me Inter

Manchester United dhe Chelsea janë dy skuadrat e tjera të interesuara për shërbimet e kilianit.