Berlusconi ndërron mendje? Milani rrezikon të mos shitet

Marrëveshja për shitjen e Milanit tek kinezët rrezikon të mos realizohet. Të paktën kështu ka komunikuar Sky Sport pasditen e së hënës.

Sipas Sky, orët në vazhdim do të jenë vendimtare për fatin e pronësisë së “Kuqezinjve” dhe jo vetëm në fushën e lojës, ku përballet në orën 21:00 me Romën, por edhe jashtë saj.

Ora 17:00 e datës 12, sipas burimeve të Sky ishtë afati i fundit për kompaninë kineze Sino-Europe për të derdhur në arkat e Fininvest këstin e dytë, që është një shumë prej 100 milionë eurosh.

Derdhja nuk ka ndodhur dhe Sky thotë se grupi Fininvest i ka dhënë afat edhe 24 orë të tjera kinezëve dhe në rast se kjo derdhje nuk ndodh brenda këtij afati, shitja e aksioneve të Milanit mund të anulohet.