“Bomba” nga Spanja, Levandovski arrin akordin me Realin

Real Madrid dhe Robert Levandovski kanë arritur një marrëveshje në parim për sulmuesin Bajernit për të veshur fanellën e Realit në sezonin e ardhshëm. Akordi ka ardhur pas një sërë takimesh midis menaxherit të sulmuesit polak, Pini Zahavi dhe Jose Angel Sançez, krahu i djathtë i presidentit Florentino Perez. Gjithashtu janë zbuluar edhe fakti që ai do të nënshkruajë me Realin një kontratë 2-vjeçare me opsion për një të tretë.

Sipas “Mundo Deportivo” Robert Levandovski në muajin gusht do të festojë 30 vjetorin e lindjes, ka me Bayernin e Mynihut një kontratë deri në 30 qershor të vitit 2021, por ai mendon se ka ardhur koha që drejtuesit e klubit bavarez të bëjnë të mundur që ëndrra e tij të bëhet realitet dhe të transferohet te Reali i Madridit. Për më tepër, vetë Drejtori i Përgjithshëm i kampionëve të Gjermanisë Karl Heinz Rumenige, ka deklaruar së fundmi se do të lejojë largimi i atyre futbollistëve që e dëshirojnë vërtet këtë të gjë.

Robert Levandovski e ka arritur kuotën e 100 golave me Bayernin e Mynihut. Këtë sezon sulmuesi polak ka një bilanc me 32 gola të shënuara, 23 nga të cilat në Bundesligë, ku kryeson renditjen e shënuesve më të mirë. Për Levandovskin, ky është sezoni i tij i katërt te Bayerni i Mynihut me të cilin deri tani ka luajtur 182 ndeshje.