“Bomba” nga Spanja: Nejmar dashuron të luajë me Ronaldon

Neymar kërkon që të luajë përkrah Kristiano Ronaldos dhe lajmi tashmë ka arritur deri në “Santiago Bernabeu”, e cila vazhdon të punojë ngadalë për ta afruar te Real Madrid. Në fillim u mendua se sezoni 2019-2020 do të ishte ardhja e mundshme e sulmuesit brazilian, por ngjarjet po precipitojnë për shkak të divorcit të dukshëm mes PSG dhe Nejmar, që mbërriti dje në Paris, për t’i dhënë fund riaftësimit.

Ish-lojtari i Barcelonës sipas gazetës “Marca” ka pohuar se e dashuron sfidën e të luajturit së bashku me “Topin e Artë” aktual, sepse kjo do të përbënte sfidë në karrierën e tij, pasi ka luajtur bashkë e pa ndonjë problem edhe me Leo Mesin. CR7 ka kuptuar se ardhja e mundshme e brazilianit do të ishte përmirësimi i nivelit konkurrues të skuadrës. Sa i përket çështjes ekonomike, gjithçka është në procesin e gjetjes së një zgjidhjeje.

Nga “Bernabeu” po tregohet kujdes dhe respekt për PSG dhe drejtuesit e saj. Sidoqoftë, marrëdhëniet midis dy klubeve është bërë mjaft e përkeqësuar, pas asaj që ndodhi në ndeshjen e dytë të raundit të parë të këtij sezoni në Paris. Që nga janari, gjestet e Nejmar ndaj Ronaldo dhe Real Madridit janë të përsëritura. Sinjali i parë u dha në gala-në e FIFA-s, ku bëri foto me të sapozgjedhurin “The Best”. Më pas erdhi përqafimi i Ronaldos në “Santiago Bernabeu” dhe tani po pret për të luajtur së bashku me portugezin.