Bonuçi: Faleminderit Zotit që s’isha aty, kur gjyqtari i dha penalltinë Realit

Leonardo Bonuçi është shprehur i bindur se do ta kishte humbur kontrollin nëse do të luante ende për Juventusin në çerekfinalen e kthimit të Ligës së Kampionëve. Bufon u përjashtua me karton të kuq nga arbitri Majkëll Oliver, sepse ai protestoi për dhënien e një 11-metërshi të diskutueshëm në minutën e 93-të.

“Çfarë mendova unë në atë moment? Faleminderit Zotit që nuk isha aty, kur gjyqtari akordoi penalltinë. Mendova se ndoshta nuk mund t’i mbaja nën kontroll instinktet e mia.

Xhixhi është portieri më i mirë në historinë e futbollit”, është shprehur mbrojtësi i Milanit për “Premium Sport”.