Botërori gjeneroi një rekord prej 690 milionë eurosh në bastet e francezëve

Botërori i futbollit gjeneroi një numër rekord prej 690 milionë eurosh baste të vëna vetëm në Francë, nëpërmjet operatorëve të basteve sportive, sipas një komunikate të publikuar sot.

“Kupa e Botës 2014 kishte gjeneruar në total 290 milionë euro baste, ndërsa Europiani 2016 rreth 297 milionë euro”, sipas Autoritetit të Rregullimit të Lojërave në Internet (ARJEL) dhe të Franca e Lojërave (FDJ) në komunikatën e tyre të përbashkët.

Por, pa dyshime ka qenë finalja e të dielës, mes Francës dhe Kroacisë, ku fituan “Blutë”, që është regjistruar aktiviteti më i rëndësishëm.

“Për këtë ndeshje janë angazhuar 67 milionë euro baste, që është një shumë rekord për një ndeshje të vetme në futboll”, theksohet në këtë komunikatë.