“Buzëqesh” Alegri, tri yjet e dëmtuar stërviten me grupin para nisjes në Angli

Juventus po zhvillon përgatitjet e fundit për ndeshjen e kthimit në Champions League në Uembli ndaj Totenhemit. Të besuarit e Masimiliano Alegrit do të përpiqen që të marrin një rezultat më të mirë se barazimi 2-2 në duelin e parë.

Bardhezinjtë kanë zhvilluar stërvitjen e fundit para nisjes për në Angli, teksa ka lajme mjaft të mira për Alegrin. Matia De Shilio, Mario Mandzukiç dhe Gonzalo Higuain janë stërvitur me grupin dhe do të jenë të gatshëm për ndeshjen e nesërme.

Kampionët e Italisë mund të zgjedhin që të luajnë nga minuta e parë me 11-shen më të mirë. /Koha Jonë/