Caldara mbërrin në Milano për të kryer vizitat mjekësore

Mattia Caldara ka ndërprerë në mes aventurën me Juventusin, duke nisur një të re te Milani. Ish-mbrojtësi i Atalantës arriti në Itali, në aeroportin e Malpensas, me një fluturim të nisur nga SHBA.

“Jam i gëzuar që ndodhem këtu, tashmë kam biseduar me Gattuson. Çift me Romagnoli? Do të jetë emocionuese”, tha ai para gazetarëve.

Mbrojtësi i datëlindjes 1994 shkoi menjëherë në Klinikën “La Madonnina”, për të takuar, Gonzalo Higuain, i cili mbërriti që në mëngjes. Caldara ka luajtur tashmë disa ndeshje miqësore me Juventusin në Amerikë, ku ka marrë pjesë në një pjesë të mirë të turneut atje.