Çeki-Danimarkë, zbulohen formacionet në duelin mes dy ekipeve surprizë

Republika Çeke dhe Danimarka do të sfidohen pas pak minutash për një biletë për në gjysmëfinale. Dy nga skuadrat surprizë të Evropianit do të synojnë kualifikimin historik.

Çekët do të luajnë me formacionin 4-2-3-1. Schick do të aktivizohet nga minuta e parë në kërkim të një tjetër goli për të arritur Ronaldon, ndërkohë që do të mbështetet nga Barak, Sevcik dhe Masopust.

Danimarka ndërkohë vijon me vendosjen sulmuese 3-4-2-1. Braithwaite dhe Damsgaard do të mbështesin Dolberg. Nuk ka asnjë ndryshim nga ndeshja e fundit ndaj Uellsit.