Çelsi kërkon një tjetër bomber, ofron 60 milionë euro për Ikardin

Nuk është vetëm Reali, ekipi i interesuar për transferimin e Mauro Ikardit. Çelsi ka bërë hapin e parë për transferimin e sulmuesit argjentinas.

25-vjeçari kërkohet nga shumë klube të mëdha evropiane, pasi këtë sezon ka shënuar 22 gola në 26 ndeshje. “Blutë” e Londrës kanë tentuar të befasojnë “Mbretërit” duke ofruar 60 milionë euro për argjentinasin.

Gazeta spanjolle “As” ka raportuar se agjentja dhe bashkëshortja e tij, Uanda Nara, ka marrë një ofertë për shërbimet e Ikardit. Klubi anglez kishte shpenzuar 65 milionë euro për transferimin e Alvaro Moratas nga Real Madridi, por kërkon një tjetër bomber.

Kontrata e Ikardit skadon në vitin 2021 dhe ka një klauzolë prej 100 milionë eurove.