Chelsea “blindon” Kante-n, i rinovon kontratën me një pagë të frikshme

Kante ishte një ndër më të mirët në Kupën e Botës, dhe kjo duket se ka bindur drejtuesit e Chelsea-t për ta blinduar pas ofertave të shumta të ardhura në ditët e fundit. Mesfushori i Bluve të Londrës, që së fundmi u shpall kampion bote me përfaqësuesen franceze, është një pikë referimi për projektin e ri të Maurizio Sarrit.

I vetëdijshëm për kualitetin e lojtarit është edhe manjati rus, Roman Abramovich, që ashtu siç zbulon e përditshmja britanike Times, ka refuzuar ofertën e majme te PSG për shërbimet e 27-vjeçarit. Për Kante janë interesuar edhe bardhezinjtë e Juventusit dhe PSG, por Blutë e Londrës kanë vendosur ta blindojnë, duke i rinovuar kontratën për shumë 17 milionë euro në sezon.