City mund me lehtësi Arsenalin, Aguero shkëlqen me tripletë (VIDEO)

Manchester City ka fituar me lehtësi 3-1 ndaj Arsenalit në “Etihad Stadium, duke ju falur një tripletë të Agueros. Argjentinasi shënoi golin e dytë më të shpejtë të këtij sezoni të Premier League, duke shënuar vetëm pas 50 sekondash.

Arsenal kundërpërgjigjet menjëherë me Koscielny, por Aguero shënon edhe dy të tjerë, një përpara dhe një pas pushimit duke kompletuar tripletën e tij.

Kjo është tripleta e 10-të në Premier League për sulmuesin argjentinas. Një tjetër paraqitje zhgënjyese e Arsenal ndaj një ekipi mes gjashtë më të mirëve dhe skuadra e Emery tani ka zbritur në vend të gjashtë të renditjes së Premier League.

City me këtë fitore ka kaluar Tottenham në renditje duke u rikthyer në vend të dytë, vetëm dy pikë më pak se Liverpool që luan të hënën.