City pranë akordit me yllin e Aston Villas, bën ofertën e “çmendur”

Manchester City nuk është dorëzuar për Jack Grealish. 25-vjeçari luan si kapiten i Aston Villa. Drejtuesit e City kanë ofruar rreth 100 milionë euro si dhe kartonin e Morgan Rogers.

Aston Villa me shumë mundësi do të pranojë ofertën e “qytetarëve”.Një operacion shumë i rëndësishëm merkatoje, që do e kthejë Grealish në futbollistin anglez më të shtrenjtë të historisë së Premier League.

Në sezonin e fundit në Premier League me Aston Villa, Grealish u aktivizua në 27 ndeshje, shënoi 7 gola dhe dhuroi 12 asiste. Guardiola e kërkon me ngulm për të formuar një mesfushë yjesh me De Bruyne dhe Foden.