“Degjeneron” situata në Superiore, tifozët në Fushë-Krujë godasin sulmuesin e Tiranës (VIDEO)

Ka degjeneruar situata në stadiumin “Redi Maloku”, të Fushë-Krujës. Në fund të takimit, në momentin që i janë drejtuar dhomave të zhveshjes, ekipi i Tiranës është goditur nga tifozeria vendasve.

Në momentet e mbylljes së takimit, është goditur lojtari i Tiranës, Grent Halili, ndërkohë që më pas ka pasur përplasje mes të dyja skuadrave, ku është dashur ndërhyrja e policisë.

Edhe në momentet që arbitrat po dilnin nga fusha, edhe trajneri Mema është afruar tek trupa e arbitrave,  por është ndaluar nga forcat e policisë së shtetit, dhe është përplasur pikërisht me këta të fundit.