Dëshira e De Biasit? Kërkon një skuadër për të rifilluar

Karriera e De Biasit nuk është e lidhur vetëm me kombëtaren azzurre, pasi ai ka ende dëshirë të ulet në pankinë.

“Jam gati për të stërvitur akoma. Po kërkoj një projekt serioz që të jem protagonist”, u shpreh në një intervistë për Premium Sport, ish-trajneri i kombëtares shqiptare të futbollit, që në fillim të vitit u largua nga drejtimi i Alaves.

Për sa i përket zgjedhjes që bëri federata italiane për ti dhënë drejtimin e skuadrës Mancinit, De Biasi e sheh si një lëvizje të mirë. “Mendoj se është zgjedhja e duhur, sepse Italia ka nevojë për dikë që ka në zemër flamurin 3 ngjyrësh”, deklaroi De Biasi.