Detajet e kontratës së Hamsik në Kinë, gjithçka e paguar dhe jetë luksi

Marek Hamsik ka mbyllur dje aventurën me skuadrën e Napolit që zgjati 12 vite, teksa do të nisë një aventurë të re në Kinë. Sllovaku sipas mediave italiane do të përfitojë një pagë të frikshme te skuadra e Dalian.

Hamsik do të nënshkruajë një kontratë 3-vjeçare me shifra dhe kushte vërtet faraonike, për një lojtar 31-vjeçar. Ai do të përfitojë 9 milionë euro në sezon, për të treja vitet. Do të ketë mundësinë të zgjedhë një hotel apo shtëpi pa limite çmimesh.

Automjetet do të jenë sipas zgjedhjes jo vetëm për të, por për të gjithë pjesëtarët e tij të familjes. Ai mund të drekojë dhe të darkojë, në restorantet me të shtrenjta të qytetit, pasi do t’i ketë të gjitha të paguara.

Një kontratë mjaft e mirë për mesfushorin, i cili do ta mbyllë karrierën në mënurën më të mirë të mundshme.