Dha penalltinë më absurde në histori, arrestohet gjyqtari në Serbi (VIDEO)

Ndodh shpesh që të shohim penallti të akorduara në mënyrë qesharake, por në Serbi në duelin mes Spartakut dhe Radniçkit, arbitri i ka kaluar të gjitha limitet.

Gjyqtari Srdjan Obradoviç dha një penallti absurde për prekje topi me dorë në favor të ekipit të Spartak, duke e ndihmuar të merrte fitoren 2-0 që i siguroi vendin në Ligën e Europës në sezonin e ardhshëm.

Pas akuzave për gjykim të njëanshëm dhe pasi pamjet filmike treguan gabimin e rëndë, i cili çuditi edhe futbollistët e Spartak, policia e Beogradit ka shoqëruar në komisariat gjyqtarin. Ai është marrë në pyetje nga policia për të zbuluar prapaskenat e këtij vendimi, pasi të gjithë janë të sigurt se nuk mund të jetë thjesht gabim njerëzor.