Dhuna në “Zeqir Ymeri”, Disiplina dënon Shtubinën dhe Kukësin

Komisioni i Disiplinës pranë FSHF-së është mbledhur dhe ka diskutuar problematikën e shfaqur në ndeshjet e fundit, gjysmëfinalet e kthimit të Kupës së Shqipërisë. Për dy nga skuadrat pjesëmarrëse në këtë raund ka pasur nga një dënim.

Ndriçim Shtubina, është pezulluar me 2 ndeshje nga aktiviteti, ndërsa Kukësi do të duhet ta luajë ndeshjen e radhës në shtëpi (ndaj Lushnjës) pa tifozë.

Ja vendimet e plota të Disiplinës:

Lojtari i KF “Laçi”, Ndricim Shtubina, për provokim të publikut, në bazë të nenit 53/1 të KDS, dënohet me 2 ndeshje pezullim nga aktiviteti.

KF “Kukësi”, për sjellje të gabuar të spektatoreve, në bazë të nenit 66/1 dhe 66/3.a të KDS, dënohet me 1 ndeshje pa spektatorë, në stadiumin përkatës.

FC “Flamurtari”, në bazë të nenit 13 të KDS, paralajmërohet se, në rast përsëritje të sjelljes së gabuar të spektatorëve, do të dënohet sipas dispozitave që parashikon Kodi i Disiplinës Sportive.