“Do të presësh dy penallti”, si Enrique parashikoi që Simon do të bënte heroin ndaj Zvicrës

Unai Simon ishte heroi i Spanjës ndaj Zvicrës duke pritur dy nga katër penalltitë që i shkuan në portë në atë fund ndeshje. Pas të tilla sfidave prapaskenat janë gjithmonë interesante dhe një e tillë është zbuluar.

Trajneri Luis Enrique dhe Unai Simon kanë biseduar para gjuajtjeve të 11 metërshave dhe trajneri ka parashikuar qartë sesa penallti do presë lojtari i tij. Në fakt Enrique i vendosi si objektiv Simon pritjen e të paktën 2 penalltive.

“Do ndalosh të paktën dy penallti me madhësinë e trupit tënd dhe cilësitë që zotëron”, i tha Enrique portierit, që në fakt bëri gjithçka mirë dhe u shpall njeriu më i mirë i ndeshjes.