Drejtori i Juves: Donim të blinim Icardin, por më pas morëm Ronaldon

Një ditë pasi Juventusi zyrtarizoi afrimin e Aaron Ramsey-t, Fabio Paratici, drejtori sportiv i bardhezinjve, zbulon prapaskenat e merkatos verore, që kulmoi me blerjen e Cristiano Ronaldos nga Reali i Maridit, një lëvizje që befasoi opinionin futbollistik. Gjithashtu, ai u paraprin disa lëvizjeve të tjera të mëdha, që do ta përforcojnë edhe më shumë klubin bardhezi.

“Ishim të mendimit se duhet të blinim Icardin e të bënim një rrëmujë të madhe… ose të blinim Ronaldon. Dhe kështu ndodhi. Në përballjen me Realin, Mendez, sikurse bën zakonisht, u afrua dhe unë i thashë: Cristiano ka shënuar gola të pabesueshëm. Ai më pa dhe më tha: Ti ndoshta nuk e beson, por ai do të lëvizë nga Reali dhe dëshiron të vijë tek Juventusi…..

Më pas drejtori i Juves foli edhe për goditjet e ardhshme në merkato ku u shpreh: “De Ligt është padyshim një nga lojtarët e rinj më të mirë, sigurisht që e kemi nën vëzhgim. James Rodriguez? Është një lojtar i madh, të shohim. E theksoj është e vështirë të gjesh lojtarë më të mirë se ato që kemi në dispozicion, Costa, Dybala, Bernardeschi, Cuadrado etj”.