Duka i ofroi karrigen e presidentit të FSHF-së, ja si i përgjigjet Lala

Altin Lala është i vetmi person përpara të cilit, presidenti aktual i FSHF-së, Armand Duka mund të dorëzohet pa kushte. Një gjë të tillë e ka bërë me dije vetë Duka i ftuar në një emision televiziv, duke respektuar Lalën për atë që ka dhënë për Kombëtaren Shqiptare, por jo vetëm.

Duka konfirmoi se përballë Lalës nuk do të garonte fare për kreun e FSHF-së. Por, Lala nuk ka ambicie për të qenë në krye të institucionit të futbollit dhe këtë e konfirmon në një intervistë për “Panorama Sport”.

“Jam i bindur që e ka thënë me shaka. Unë nuk do ta kisha bërë dot asnjëherë punën siç e bën Duka, ai ka bërë një revolucion në krye të FSHF-së, por natyrisht që e mira nuk ka fund asnjëherë. Për një temë të tillë, mund të flasim pas 16-vitesh, por unë nuk kam asnjë ambicie të drejtoj FSHF-në, pasi ndihem mirë në punën që bëj. Edhe kur mora drejtimin e Kombëtares së 19-vjeçarëve ishte një insistim i ish-trajnerit De Biasi dhe mbështetjen e presidentit Duka”, ka thënë Altin Lala.