Durmishaj firmos me skuadrën e madhe greke, transferohet në verë

Fiorin Durmishaj po shkëlqen këtë sezon me Panionios në kampionatin grek duke shënuar 6 gola, duke qenë një titullar i padiskutueshëm.

Së fundi, 22-vjeçari ka arritur marrëveshjen me klubin e Olimpiacos, që do të derdhë 400 mijë euro në arkën e Panionios për të marrë shërbimet e tij. Durmishaj do të qëndrojë deri në fund të këtij sezoni me skuadrën aktuale, për të kaluar te Olimpiacos këtë verë.

Një lëvizje tepër e rëndësishme e lojtarit që shumë shpejt pritet të marrë edhe ftesën e trajnerit të kombëtares, Christian Panucci dhe të veshë fanellën kuqezi për kombëtaren A.