Dy talentet e Skënderbeut drejt transferimit në Kroaci

Dy talentet e Skënderbeut, Jorgo Pëllumbi dhe Agon Elezi janë një hap larg kalimit në Kroaci. Të dy futbollistët ishin më të spikaturit në sezonin e fundit, jo vetëm te Skënderbeu, por edhe në Superiore.

Tashmë ata janë shumë afër kalimit te skuadra kroate e Varazdin. Sipas “index.hr” kroatët janë në bisedime me klubin korçar për të marrë mesfushorin dhe mbrojtësin. Marrëveshja e kësaj lëvizje të dyfishtë do të jetë huazim me të drejtë blerje, në rast se futbollistët bindin me paraqitjet e tyre.

Skënderbeu për Pëllumbin ka qenë në bisedime edhe me skuadrën tjetër kroate të Osijekut, ku palët kishin lënë të takoheshin menjëherë pas grumbullimeve të ekipeve kombëtare.