E trishtë, sulmuesi argjentinas e kishte paralajmëruar tragjedinë

Orët kalojnë dhe ende nuk ka asnjë sinjal për avionin e humbur në Kanalin e Anglisë, teksa në të ndodhej edhe sulmuesi Emiliano Sala, i cili po udhëtonte për në Cardiff, në skuadrën e tij të re. Sipas lajmeve që vijnë nga gazetari francez David Phelippeau, vijnë të dhëna shokuese.

Sulmuesi kishte udhëtuar me të njëjtën avion për në Cardiff, ku edhe u prezantua me skuadrën e re, dhe më pas u kthye sërish në Francë për të përshëndetur shokët e ekipit.

Njëri prej tyre, Nicolas Pallois, ka rrëfyer se Sala i kishte thënë se udhëtimi i tij nuk kishte shkuar aspak mirë dhe kishte frikë për sigurinë në udhëtimin e kthimit që do të bënte për në Angli. /Koha Jone/