“El Clasico” në distancë, Guardiola thumbon sërish Realin

Pep Guardiola nuk humbet kurrë rastin për të ngacmuar Real Madrid, El Clasico për të nuk njeh as vend e as kohë, përjetësisht do të mbetet një armik i mbretërorëve.

Deklarata e tij pak ditë më parë ku nuk e përfshinte Realin në ekipet më të mira në dekadën e fundit u konsiderua një provokacia në Madrid, por Pep i rikthehet sërish atij diskutimi në konferencën për shtyp në vigjilje të sfidës kundër Chelsea: Reali ka fituar 3 Champions radhazi dhe është favorit në këtë trofe, por kjo nuk e bën Realin ekipin më të mirë në Europë në dekadën e fundit.

Nëse llogarisim kapionat, Kupe e të tjerë trofe, Juventus, Barcelona e Bayern kanë fituar 6 ose 7 ndërsa ata vetëm 2. Shpresojë që Solari ta ketë kuptuar më mirë deklaratën time”.

Pep është shumë thumbues me Solarin, por shfaqet i embël me Sarrin.

“Njerëzit mendojnë se kur dikush vjen në një klub të madh, atëherë gjërat do të nisin të funksionojnë menjëherë në rrugën e duhur. Për të krijuar diçka të mirë nevojitet kohë dhe unë e shoh dorën e Sarrit. Higuain? çelsi kishte lojtarët më të mirë, por tani ka marrë dhe Higuainin, një sulmues i shkëlqyer. Di të mbajë topin, ëstë vdekjeprurës në zonën e rreptësisë dhe dialogon mirë me shokët.”