Ëndrra e (pa)mundur e Interit mban emrin Luka Modric

Vrsaljko nuk do të jetë blerja e fundit e Interit në këtë merkato vere. Zikaltrit kanë arritur marrëveshjen paraprake me Bayernin për rikthimin në Serinë A të Arturo Vidal (huazim me të drejtë blerjeje), por para se të zyrtarizojnë kilianin dëshirojnë të bëjnë goditjen e madhe. Ai është Luka Modric, teks kane nisur edhe kontaktet me përfaqësuesit e kroatit.

Rruga për të mbërritur te 32-vjeçari është shumë e vështirë, por Interi kërkon ta provojë, sepse bëhet fjalë për një nënkampion bote me të dhëna të jashtëzakonshme teknike. Modric, që do të mbushë 33-vjeç më 9 shtator, ka kontratë me Realin deri në vitin 2020. Pasi humbi Cristiano Ronaldon, president i “Los Blancos” vështirë të lejojë largimin e një tjetër xhevahiri.

Ausilio dhe drejtuesit e tjerë të Interit do të tentojnë të bindin futbollistin, që nuk i ka hedhur asnjëherë poshtë interesimet për të, përkundrazi, është shfaqur i hapur për bisedime. Nuk duhet harruar fakti që tek Interi Luka Modric do të gjente një pjesë të mirë të Kroacisë: Brozovic, Perisic dhe të ardhurin e fundit, Vrsaljko.

Reali kërkon të paktën 50 milionë euro për kroatin, ndërkohë që për futbollistin janë përgatitur 11 milionë euro në sezon. /Koha Jonë/