Everton zyrtarizon tre super blerje në minutat e fundit të merkatos

Everton është skuadra më aktive në merkato, nga ekipet angleze në ditën e fundit të merkatos. Skuadra angleze ka zyrtarizuar sot blerjen e Yerry Mina dhe huazimin e Andre Gomes nga Barcelona. Mbrojtësi kolumbian i ka kushtuar anglezëve 30 milionë euro plus 1.5 në bonuse. Ndërkohë, huazimi i portugezit do t’i kushtojë Everton 2.5 milionë euro.

Skuadra nga Liverpooli ndërkohë ka zyrtarizuar edhe transferimin e Bernard, i cili është marrë nga Shakhtar. “Zgjodha Everton-in për shkak të fjalëve të mira që kam dëgjuar për trajnerin Silva dhe e mora vendimin pasi fola me të”, ka thënë mesfushori me tipare sulmuese.