F1 publikon pamjet nga aksidenti i frikshëm i Hamilton me Verstappen (VIDEO)

F1 ka publikuar imazhe të tjera nga përplasja mes Lewis Hamilton dhe Max Verstappen, në garën e Monza, gjatë fundjavës që kaloi. Pamjet nga kamera me kënd 360 gradë, e vendosur në pjesën e përparme të makinës Mercedes, tregon momentin dramatik, ku kampioni i botës rrezikoi seriozisht jetën.

Njëvendëshja e Verstappen kaloi praktikisht mbi atë të Hamilton dhe nëse nuk do të ishte për sistemin “Halo”, goma e pasme do ta kishte goditur britanikun në kokë.

Rivalët për titullin botëror u përfshinë në një përplasje të dhunshme, nga e cila Hamilton pësoi lëndime në qafë, ndërsa Verstapen u cilësua fajtor për drejtim mjeti në mënyrë të pakujdesshme dhe u penalizua me zbritjen e tre pozicioneve në startin e garës së ardhshme.

Kamera 360 gradë, e cila zbuloi imazhet e reja, është instaluar në makinat e Formula 1 prej vitit 2018, por imazhet e tyre nuk janë përdorur asnjëherë gjatë transmetimit të garave.

A dramatic new angle on the Hamilton/Verstappen collision#ItalianGP 🇮🇹 #F1 pic.twitter.com/PvN2KGUbbi

— Formula 1 (@F1) September 14, 2021