Farka Volley shpallet kampione e Shqipërisë për të rinj

Farka Volley është shpallur kampione e Shqipërisë në volejboll për të rinj, pas triumfit 2-0 me ndeshje në finalet e play off-it ndaj Skënderbeut. Ekipi kryeqytetas, pasi fitoi 3-0 ndeshjen e parë të luajtur në “Fahrie Hoti” tri ditë më parë, triumfoi edhe sot pasdite në Korçë në përballjen e dytë, këtë herë me shifrat 3-1.

Paraqitja në kampionat e ekipit të Farkës ishte vërtet mjaft pozitive, duke e dominuar atë si gjatë sezonit të rregullt ashtu dhe gjatë fazës play off. Farka Volley është një ekip që ka prodhuar shumë talente në vitet e fundit në në volejbollin shqiptar.