Finalja e Superkupës së Spanjës, Xavi: Ancelotti i pathyeshëm? Rekordet janë bërë për t’u thyer

Real Madrid dhe Barcelona do të sfidohen nesër në Riyad të Arabisë Saudite, për Superkupën e Spanjës. Në prag të “El Clasico”, ka dalë në konferencë për shtyp tekniku i blaugranave, Xavi Hernandez.

“Për ne Real Madridi është një kundërshtar vërtet i fortë dhe mund të bëjnë diferencën. I shoh ata në të njëjtën mënyrë si gjithmonë, të organizuar mirë taktikisht dhe të fortë.

Ne duhet të dimë se ku jemi si grup. Ancelotti nuk ka humbur një finale që nga viti 2010, por kjo gjë nuk më bën shumë përshtypje veçse më motivon më shumë. Rekordet janë bërë për t’u thyer.

Ne jemi shumë të motivuar për këtë përballje. Çdo gjë do të ndryshonte më një trofe më shumë në kabinet. Qëllimet e Barcelonës janë trofetë. Jemi shumë afër triumfit dhe duhet të shkojmë pas tij, duhet ta fitojmë atë për vete jo për shkak të kundërshtarit”, tha Xavi.