Fitoi gjyqin pas 7 vitesh, Mesi i futet një biznesi të ri  

Lionel Mesi më në fund ka marrë dritën jeshile për të nxjerrë në treg markën e tij të veshjeve sportive. ‘Futbollisti argjentinas prej kohësh dëshironte bënte diçka të tillë, por kishte hasur në pengesën e komisionit të Komunitetit Europian, me justifikimin se ai ishte shumë i famshëm dhe kjo mund t’i krijonte probleme markave të tjera.

Sulmuesi i Argjentinës dhe Barcelonës fitoi në këtë mënyrë një sfidë shtatë vjeçare me markën e veshjeve kryesisht për çiklizëm, spanjolle Massi, që ishte ankuar për ngjashmërinë e emrave. Në vendimin e gjykatës së BE në Luksemburg thuhej: “Lionel Mesi mund të regjistrojë markën e tij “MESSI” për veshje sportive. Ka një ngjashmëri me “MASSI”, por kjo nuk përbën motiv për të penguar dikë të merret me biznes.”

Me kontratën e re që nënshkroi në nëntor me Barcelonën si dhe me të ardhurat e tjera shtesë, “Pleshti” fiton në vit 126 mln euro.