Hamburgu pëson sërish humbje, tifozët sulmojnë Mërgim Mavrajn me shokë, ndërhyn policia (Video)

Hamburg është në krizë dhe kjo nuk përbën lajm, pasi nuk fiton prej dhjetë ndeshjesh radhazi. Dje, ekipi ku luan edhe mbrojtësi shqiptar Mërgim Mavraj pësoi edhe humbjen e 200 në Bundeslig, ku pësoi humbje 2-1 kundër Bayer Leverkusenit.

Kjo ka bërë që skuadra të rrezikohet të bjerë në ligën e dytë gjermane, pasi gjendet në vendin e parafundit të renditjes.

Situata ku ndodhet skuadra ka bërë që edhe tifozët të mos logjikojnë më, teksa para ndeshjes kishin shpalosur një banderolë kërcënuese për lojtarët.

Hamburg humbi sërish dhe durimi sosi. Pas vërshëllimës finale të gjyqtarit të ndeshjes Hamburg-Leverkusen, tifozët vendas tentojnë të hyjnë në fushë për të nxjerrë inatin ndaj lojtarëve të skuadrës së tyre, shkruan tg.

Forcat e rendit ndalojnë mësymjen duke përdorur edhe qentë e policisë. 40 minuta pas kësaj, tifozët e Hamburg nuk u dorëzuan, por tentuan edhe një herë të sulmonin lojtarët e ekipit të tyre.

Këtë herë, tifozët e irrituar tentuan të hynin në korridoret e brendshme të stadiumit, përmes një platforme të impiantit. Por, përsëri pa sukses, për fat, sepse edhe një herë, forcat e rendit ndërhynë duke ndalur në kohë 60 tifozët e Hamburgut.

Javën e ardhshme, Hamburgu i Mërgim Mavrajt do të luajë derbin e veriut ndaj Werder Bremenit.