Herrera zyrtarizon “divorcin” me United, gati transferimi në Francë

Ander Herrera do të largohet nga Manchester United në fund të sezonit. Lajmin e ka thënë vetë futbollisti (i skadon kontrata në qershor) nëpërmjet një postimi në Twitter.

Herrera mbërriti në “Old Trafford” në vitin 2014 nga Atheltic Bilbao dhe gjatë 5 viteve të qëndrimit të tij në Manchester ka fituar FA Cup në vitin 2016, Kupën e Ligës dhe Europa League në vitin 2017, kur dhe u votua nga tifozët futbollisti më i mirë i “Djajve të Kuq”.

Me fanellën e Manchester United Herrera ka luajtur në 189 ndeshje dhe ka shënuar 20 gola. Sezonin e ardhshëm ai pritet që të luajë te PSG, ku gjetja e hapësirave nuk do të jetë një mision aspak i thjeshtë.