Higuain qëndron në Serie A për 60 mln euro

Inter është i shqetësuar për të ardhmen e Mauro Icardi-t. Qendërsulmuesi argjentinas ka përfunduar në radarët e Real Madrid pas lamtumirës së Cristiano Ronaldo-s dhe mund të provojë të hidhet në sulm, nëse nuk ka sukses për Mbappe, Lewandoëski dhe Kane.

Për momentin, asnjë ofertë nuk i është bërë klubit zikaltër për kapitenin, i cili vlerësohet 150 milionë euro nga ana e Suning.

Gjithsesi, në rast të një largimi të Mauros, një nga idetë e Ausilio-s për ta zëvendësuar atë, mund të jetë Gonzalo Higuain, siç ka bërë të ditur “Tuttosport”.

Qendërsulmuesi i Juventus është drejt largimit nga Torino pas zbarkimit të CR7 te bardhezinjtë, që kërkojnë 60 milionë euro për kartonin e “Pipita”-s.

Një shumë e përballueshme për zikaltrit, nëse shitet Icardi. Gjithmonë sipas shtypit italian, Gonzalo ka shprehur dëshirën për të qëndruar në Itali.