Humbja 6-1 ndaj Holandës i kushton shumë, Turqia shkarkon trajnerin Gunes

Şenol Guneş është shkarkuar nga drejtimi Turqisë. Vendimi ka ardhur pas humbjes së parë në Eliminatore, e cila erdhi këtë mesjavë në shifrat 6-1 nga Holanda.

Lajmi është bërë i ditur nga Federata e Futbollit në Turqi, ku theksohet se me trajnerin pati një mirëkuptim për ndërprerjen e bashkëpunimit.

Në eliminatoret e Botërorit të Katarit, në 6 ndeshje Turqia ka marrë 3 fitore, 2 barazime dhe një humbje. Turqia ka 11 pikë, ndërkohë që Holanda dhe Norvegjia kanë dy pikë më shumë. Federata Turke do të zyrtarizojë një trajner të ri me synimin për të marrë rezultate të mira në duelet e fundit.