Hysaj: Me Liverpoolin humbje e rëndë, me Ancelottin do të përmirësohemi

Pas humbje së shëmtuar 5-0 kundër Liverpool-it, Napoli po përgatitet për një tjetër miqësore të madhe ndaj Borussia Dortmund. Në vigjilje të kësaj sfide ka folur për mediat italiane edhe Elseid Hysaj.

“Ndaj Liverpoolit ishte një humbje e rëndë, por tani jemi një trajner të ri dhe kemi shumë gjëra për të përmirësuar. Do të përmirësohemi dhe të bëhemi më të fortë. Ancelotti është një trajner i madh, ka qetësinë e duhur për të menduar për gabimet tona.

Borussia? Janë ndeshje të bukura për t’u luajtur, do të jetë stimuluese të luash ndaj Reus. Do të jetë një mundësi e mirë për të treguar se jemi përmirësuar ende. Shpresojmë që të përmirësojmë dy tre gjëra që fola dhe më parë, do ta shohim në fushë”, deklaroi Hysaj në intervistën për “Sky Sport”. /Koha Jonë/